عندما يرثو الأخ أخيه .. ماذا سيقول ؟؟؟

عندما يرثو الأخ أخيه .. ماذا سيقول ؟؟؟

(29/8/2013)

ابراهيم الديب اخو الشهيد محمد الديب .. يكتب فى استشهاد اخيه

وعادى الضحكه من غيرك !!

و برضو النومه ف سريرك !!

و تفتيشى ف درج النيش !!

و يعنى خلاص مفيش بشويش

عشان نايم متزعجوهوش !!

بقيت محبوس فكام برواز !!

و متحجّز عليك بإزاز !!

يا رحلة عمر مرسومه فعلقة موت

عشان واجب ..

تصرف برضو مش عاجب

يا أخ كبير .. يا شاب أمير و ابن حلال

فعز الغيظ طويل البال

فاكر تريقتى على رسمك !!

فاكر بسمك ف موقف عايز التكشير !!

خلاص يا كبير خدوك منى !

هتفضل برضو ف الننى

فنقطة دمعه بتغرغر

ف دنيا كبيره راح تصغر

عشان غايب يا ناس عنها

أقولك برضو على حاجه !!

أنا عايش عشان حاجه

هأديها.. و أجيلك جرى بعديها

سلام يا كبير.

المصدر

• خبر: عندما يرثو الأخ أخيه .. ماذا سيقول ؟؟؟ موقع نافذة مصر